Aha...

jetzt weiss i endlich für was i mol so Algebrazügs (siehe Foto) i dr Schuäl ha müässä lehrä! wobeis jetzt für Statistik ja Computerprogramm git! Drum säg i mir alles muäss i au nid verstuh, s muäss noher eifach bi Presentatione oder Arbete bitz gschied tünä, das isch schu mol mini Strategie Nummere 1 ;-) jedefalls han i hüt (Sunntig) für ä Präsentation investiert für research methods (im ganze han i jetzt wohrschinli 4 Tag dr ka). Muäss ä systematic review vorstellä und mini Kritik dezuä abgi. Titel: Gait classification in children with cerebral palsy: a systematic review, also ziemli sehr wit äwäg vo mim Gebiät, aber s goht ja um research method an sich, aber wer glich ä bitz spannender wenns öppis i mim Gebiät wär. Jedefalls git das extrem viel Arbet so öppis vordsbereite, mache amel au na ä zweiti gsprochni Version, drmit i uf english falls i dr Fade wür verlüre glich alles abläsä cha. Do han i ja grad Feiri mit minä 80% in Magglingen ;-) freu mi also druf ;-)! Nei, i finde ds Studium würkli super und i gnüsses, mini Zit ä bitz selber idsteile und d Usäforderig adsni so viel ufs mol chünä ds meischterä. I wehr mi strickte degege irgendwelchi Zitplän ds mache, s het Lüt diä hin jedä Tag vo morge bis obed ganz duriplant und ufgschriebä. i wet mi do na bitz frei fühlä und gu nach mim Gfühl! Uf alli Fäll han i mir morä ä freie Tag verschriebä und der wür i gnüssä, juhui und erscht na ä Mintig! Wüschä eu ä wunderschünä Wuchästart und i dingä an eu bimnä feine Kafi am Meer...Luzia